Hum kitne bure hain by Shivam maurya

Hum kitne bure hain 
by Shivam maurya

Main bahar se khud ko accha dikhaane ki 

Khoshish karta hoon 

Par buri aadatein mujh mein kayi hai

Bahot kamiyan hai mujh mein

Main bhi bahot bura sochta hoon

Yeh jo chhavi sabko dikhti hai na

Woh sach nahi hai

Main nahi sochna chahta par jazbaat mere

Kaaboo mein nahi rehte 

Main dogla bhi hoon

Jo niyam dusro ke liye banaata hoon

Woh khud mere liye nahi rehte

Aur yeh sach main khud se bhi nahi kehta 

Balki koi nahi maanta ki woh khud bura hai

Par pata toh hum sabko hi hai na

Hum chhup ke rehte hain naqaab ke peeche

Par dimagmein toh wahi khyaal chalta hai

Main sach kahu 

Haan mujhe bura lagta hai ki woh insaan 

Jisne mere saath kaam shuru kiya tha

Aaj woh mujhse aage hai

Main samjhaata hoon khud ko ki mujhe

Bura nahi balki ussey motivate hona chahiye

Par waisa feelna karna 

Mere bas mein hi nahi hai

Mujhe jalan hoti hai

Par main bahar se dikhata nahi hoon

Main jab apni galti par bhi  maafi

Maangta hoon na

Toh sach mein maangna chahta nahi hoon

Main selfish bhi bada hoon

Hamesha apne baare mein pahle sochta hoon

Main mann hi mann mein kuch aur 

Bol raha hounga aur saamne uske

Kuch aur bolta hoon

Jab koi mujhe judge karta hai

Toh accha nahi lagta hai

Par main bhool jata hoon ki judgement

Pass karne mein toh main bhi

Kam nahi hoon

Jhooth nahi bolunga mujhe khushi

Hoti hai jab mera competitor

Neeche girta hai

Aur mai ussey upar

Chala jata hoon

Mujhe darr lagta hai

Mujhe darr lagta hai sab kho jaane ka

Mujhe darr lagta hai phir se

shunya pe aa jaane ka

Main dara hua hoon 

Kyuki mujhe dikh raha hai main khud se bhi

peeche jaa raha hoon

Aur itna sab kuch soch soch ke pagal sa

Hota ja raha hoon

Aaj pehli baar sach bola hai

Mujhe pata hai main bura hoon

Hum sab kahin na kahin bure hain

Bas hum mein sach bolne ki

Himmat nahi hai

Hum khud ko bhi dikhave me rakhte hain

Mat rakhho 

Aaj apni achhaiyaan nahin

Burainyaan bata kar dekho

Buraiyaan bata kar dekho

                       Hum kitne bure hai.........              

                                           by shivammaury980

THANKS FOR READING

Download my apps -:- Shayari

profile -:- profile/shivammaury980

About us   -:- about.html/shivammaury980 

Home page -:- shayari980.online/

following url -:-  Follow me